( مائرہ ارجمند) آج اتوار ہے اکتوبر کی 31، اور عیسوی سال 2021، ربیع الاول کی 24 قمری سال 1443 جبکہ کاتک کی 15 تاریخ اور دیسی کیلینڈر کا 2078 واں سال ہے۔
موسم کی بات کی جائے تو لاہور میں سموگ شروع ہو جانے سے شہر کی فضا بہت آلودہ ہے۔۔آج صبح پانچ بجے ریکارڈ کئے گئے درجہ حرات کچھ یوں ہیں کہ اندرون اور گنجان آباد علاقوں میں کم سے کم درجہ حرارت 17 ڈگری جبکہ کم آبادی والے مضافاتی لاہور کے علاقوں میں کم سے کم درجہ حرات 16 ڈگری ریکارڈ کیا گیا ۔
مطلع صاف ہے تاہم شہر کے گنجان آباد علاقوں میں سموگ کی وجہ سے حدنگاہ محدود ہے ۔ ماہرین طب کا مشورہ ہے کہ بزرگوں اور چھوٹے بچوں کو اچانک شروع ہو جانے والی سردی سے بچائیں اور صبح سویرے انہیں بستر سے نکل کر سیدھا کھلی ہوا میں نہ جانے دیں ۔ شہر میں ڈینگی کی وبا بھی عام ہے لہذا پوری آستینوں کے کپڑے پہن کر صبح کی سیر اور ورزش کو جائیں ۔
آج شہر لاہور میں ہوا میںنمی کا تناسب 77 فیصد اور تقریبا 2 اعشاریہ 57 میل فی گھنٹہ کی رفتار سے ہوائیں چل رہی ہیں۔
Lahore smog weather
