( مائرہ ارجمند) آج سوموار ہے ہفتے کا پہلا دن اور اکتوبر کی 25، اور عیسوی سال 2021، ربیع الاول کی 18 قمری سال 1443 جبکہ کاتک کی 9 تاریخ اور دیسی کیلینڈر کا 2078 واں سال ہے۔
موسم کی بات کی جائے تو گزشتہ دو روز کی بارش کے بعد لاہور میں سردی بڑھ گئی ہے۔ آج صبح پانچ بجے ریکارڈ کئے گئے درجہ حرات کچھ یوں ہیں کہ اندرون اور گنجان آباد علاقوں میں کم سے کم درجہ حرارت 17 ڈگری جبکہ کم آبادی والے مضافاتی لاہور کے علاقوں میں کم سے کم درجہ حرات 16 ڈگری ریکارڈ کیا گیا ۔
آج صبح سویرے دھوپ نکلی ہے اور مطلع بلکل صاف ہے تو جن خواتین و حضرات نے کپڑے دھونے کا پروگرام بنایا ہوا ہے وہ بغیر کسی جھجھک شروع ہو جائیں کیونکہ دھوپ سارا دن رہے گی۔ آج زیادہ سے زیادہ درجہ حرارت 26 ڈگری تک پہنچ سکتا ہے ۔ آپ چاہیں تو دن کے وقت سردیوں کے کپڑے کو دھوپ بھی لگوا سکتے ہیں۔ کیونکہ ایک دو روز میں صبح یا شام کے وقت سوئیٹر پہننے کی ضرورت پڑ سکتی ہے۔
آج شہر لاہور میں ہوا میںنمی کا تناسب 77 فیصد اور ایک اعشاریہ 54 میل فی گھنٹہ کی رفتار سے ہوائیں چل رہی ہیں۔
