لاہور سے براستہ جی ٹی روڈ اسلام آباد جانے والے راستے کالعدم تنظیم کے مارچ کے باعث بند ہیں

(مانیٹرنگ ڈیسک) کالعدم تنظیم کی ریلی کے سبب گوجرانوالہ شہر کے دونوں اطراف میں جی ٹی روڈ آج  چھٹے روز بھی بند ہے۔

سادھوکی کے مقام پر جی ٹی روڈ کو کنٹینرز لگا کر بند کیا گیا ہے اور پولیس نے کنٹینرز کے ساتھ مٹی ڈال کر پیدل گزرنے کے راستے بھی بند کردیے ہیں۔

 دریائے چناب پل سے پہلے جی ٹی روڈ  پر  12 فٹ چوڑی اور کئی فٹ گہری خندق بھی کھودی گئی ہے جس سےشہریوں کو آمدورفت میں شدید پریشانی کاسامنا ہے۔

 اطلاعات کے مطابق ٹی ایل پی نے مارچ کا آغاز کر دیا جو تیس اکتوبر تک اسلام آباد ہر صورت پہنچے گا دوسری جانب گوجرانوالہ پولیس سامنے سے مظاہرین کو روکے گی اور لاہور اور شیخو پورہ پولیس پیچھے سے مظاہرین پر حملہ اوور ہو گی۔