میں ہوتی تو سفارشی،نالائق،ڈفر نعمان نیاز کے منہ پر وہیں سے اڑتا ہوا مائیک مارتی، اداکارہ کا بیان
( مانیٹرنگ ڈیسک ) سینئر اداکارہ کی جانب سے پی ٹی وی اسپورٹس کے اینکر نعمان نیاز کے لیجنڈ فاسٹ بولر شعیب اختر کے رویے پر شدید جذباتی بیان سامنے آیا ہے،
پاکستانی ڈرامہ انڈسٹری کی معروف اداکارہ مشی خان کا کہنا ہے کہ میں حیران ہوں کہ پی ٹی وی اسپورٹس چینل پر پروگرام میں لیجنڈ کرکٹرز اور ویمن ٹیم کی کپتان ثنا میر بھی موجود تھیں، میزبان نعمان نیاز سفارشی اور جاہل آدمی ہے جس نے شعیب اختر کے ساتھ بدتمیزی کی
When the whole nation witnessed the humiliation faced by our hero #ShoaibAkhtar than how come #ptvsportslive made a committee to review what #NaumanNiazKoProgramSeHataaoo did.
— Mishi khan (@mishilicious) October 28, 2021
what more do you have to investigate when it’s right in your face.We pay a fee so hatao sifarshi ko pic.twitter.com/Ie12S4bSFV
مشی خان نے کہا کہ میں نے تو اسے پہلی مرتبہ دیکھا ہے اس نے اتنی بدتمیزی سے شعیب اختر سے بات کی، فاسٹ بولر کی بڑی ہمت ہے کہ برداشت کرلیا میں ہوتی تو سفارشی،نالائق،ڈفر نعمان نیاز کے منہ پر وہیں سے اڑتا ہوا مائیک اس کے بڑے سے منہ پر مارتی اور پھر جاتی۔
اداکارہ نے کہا کہ نعمان نیاز کچھ تمیز سیکھیں آپ نے جو آج جاہلوں والی حرکت کی ہے، آپ کو کچھ تربیت کی ضرورت ہے، پی ٹی وی کو آپ پر پیسے خرچ کرکے تربیت دلوانی چاہیے۔
مشی خان نے مزید کہا کہ آپ کو سیکھنا چاہیے کہ پروگرام میں بلائے گئے مہمانوں سے کیسے بات کرتے ہیں، آپ کے جیسے لوگ دوسروں کا نام خراب کرتے ہیں۔
واضح رہے کہ پی ٹی وی اسپورٹس چینل کے شو گیم آن ہے میں میزبان نعمان نیاز کی شعیب اختر کے ساتھ بدتمیزی نے گیم آف کردیا۔
اسپورٹس اینکر نعمان نیاز نے بھرے اسٹوڈیو میں ملکی و غیرملکی اسپورٹس تجزیہ کاروں کی موجودگی میں راولپنڈی ایکسپریس شعیب اختر کے ساتھ نازیبا رویہ اپنایا اور شو چھوڑ کر جانے کا کہا۔
شعیب اختر نے معاملہ سنبھالنا چاہا اور بات کرنی چاہی لیکن نعمان نیاز بات کاٹ کر بریک پر چلے گئے تھے۔
بریک سے واپسی کے بعد ماحول بدلا ہوا نظر آیا، شعیب اختر نے غلطی نہ ہونے کے باوجود معذرت خواہانہ رویہ اپنایا مہمانوں سے معذرت کرتے ہوئے پی ٹی وی سے استعفیٰ دینے اور شو چھوڑنے کا اعلان کردیا تھا۔
Mishi Khan burst out in favor of Shoaib Akhtar
