وزیراعظم کی سوتیلی صاحبزادی کا مسجد نبوی میں نکاح،شادی کی تقریب 10 نومبر کو لاہور میں ہوگی
( مانیٹرنگ ڈیسک) معروف صحافی زاہد گشکوری نے دعوی کیا ہے کہ وزیر اعظم کی سوتیلی بیٹی اور خاتون اول کی صاحبزادی کا نکاح 12 ربیع الاول کو سعودی عرب میں قرار پایا اور اسوقت نو بیاہتا جوڑا سعودی عرب میں عمرہ کی سعادت حاصل کر رہا ہے۔ زاہد گشکوری نے اپنے ٹوئٹر اکاونٹ سے جوڑے کی تصویر بھی اپ لوڈ کی ہے جس میں دونوں کے چہرے دکھائی نہیں دے رہے۔
خاتون اول کی صاحبزادی کا سعودی عرب میں نکاح
— Zahid Gishkori (@ZahidGishkori) October 23, 2021
نکاح مسجد نبوی میں ایک تقریب میں انجام پایا
نکاح محمد شیخ کے ساتھ انجام پایا
تقریب میں خاندان کے افراد اوردوستوں نے شرکت کی
نکاح کے بعد جوڑا عمرہ کررہا ہے
تقریب 12 ریبیع الاول کے دن ہوئی pic.twitter.com/m9gXg6pEHu
تفصیلات کے مطابق وزیر اعظم کی سوتیلی بیٹی کا نکاح محمد شیخ نامی نوجوان سے قرار پایا اور اس مسجد نبوی میں ہونے والی تقریب میں دولہا اور دولہن کے قریبی رشتہ داروں نے شرکت کی۔ جوڑا اسوقت سعودی عرب ہی میں موجود ہے اور عنقریب وطن واپس آ جائے گا جسکے بعد 10 نومبر کو لاہور میں شادی کی باضابطہ تقریب کے اہتمام کیا جائے گا۔
