گلوکار علی عظمت کے میڈم نورجہاں کے بارے غیر شائستہ بیان پرعوام کا شدید ردعمل
پاپ گلوکار علی عظمت کے حال ہی میں ملکہ ترنم نور جہاں کے بارے ایک یوٹیوب چینل کو دیے گئے بیان پر پاکستان میں سوشل میڈیا میں شدید ردعمل ظاہر کیا جا رہا ہے۔
گلوکار علی عظمت نے چند روز قبل ایک شو کے دوران میڈم نورجہاں کی ظاہری شخصیت کے بارے میں کہا تھا کہ ان کے بچپن میں رات میں ٹی وی پر ایک شو لگتا تھا جس میں میڈم نورجہاں ساڑھی اور بڑے بڑے بندے پہن کے، اوور میک اپ کرکے گانا گاتی تھیں اور مجھے ان ”مائی“ سے ”چڑ“ چڑھتی تھی کہ ضروری ہے ہم یہ دیکھیں۔
علی عظمت کے میڈم نورجہاں کے بارے میں دئیے گئے ان ریمارکس کی وجہ سے سوشل میڈیا پر ان پر شدید تنقید کی جارہی ہے۔ گلوکار عاصم اظہر نے علی عظمت پر تنقید کرتے ہوئے کہا اگر آپ فن کا احترام نہیں کرتے تو فن بھی آپ کی عزت نہیں کرے گا۔
If you don’t respect the art, the art won’t respect you.
— Asim Azhar (@AsimAzharr) October 21, 2021
صحافی شہزاد اقبال نے ٹوئٹر پر ایک پیغام میں کہا کہ ‘افسوس! یہ بیان ہی نہیں بلکہ پورا پروگرام دیکھنا دردناک تھا۔ جب آپ جنون اور علی عظمت کے جنونی مداح رہے ہوں، جب ان کے کانسرٹ میں شرکت کے لیے آپ نے والدین اور دوستوں سے پیسے ادھا لیے ہوں تو اس سے دل ٹوٹ جاتا ہے۔‘
Gutted!! Not only this comment but the whole show was painfull to watch..Heartbreaking when u have been a die hard fan of Junoon & Ali Azmat. When u have begged n borrowed money from parents n friends to attend his concerts. pic.twitter.com/nGyZcN1WwI
— Shahzad Iqbal (@ShahzadIqbalGEO) October 19, 2021
عبداللہ ستی نے کہا کہ ’یہ شرمناک ہے۔ میں بچپن سے علی عظمت کا مداح ہوں مگر پاکستان میں کسی کا بھی میڈیا نور جہاں کے رتبے سے موازنہ نہیں ہو سکتا۔‘
This is just pathetic! I’ve been fond of Ali Azmat since my childhood but no one in Pakistan could be compared to the stature of Noor Jahan
— Abdullah Satti (@Abdullah_satti8) October 21, 2021
