( مانیٹرنگ ڈیسک ) پاکستان میں کورونا وائرس کے کیسز میں مسلسل اضافہ جاری ہے، گزشتہ 24 گھنٹوں کے دوران اس موذی وباء نے مزید 9 مریضوں کی جان لے لی۔
ملک کورونا مریضوں کے حوالے سے مرتب کی گئی فہرست میں 52 ویں نمبر پر پہنچ چکا ہے، گزشتہ 24 گھنٹوں کے دوران کورونا کیسز کی شرح 3 اعشاریہ 85 فیصد ریکارڈ کی گئی۔
پاکستان میں گزشتہ 24 گھنٹوں کے دوران مزید 806 افراد میں کورونا وائرس کی تصدیق ہوئی ہے، زیرِ علاج 160 مریضوں کی حالت تشویش ناک ہے۔
ملک بھر میں اب تک 30 ہزار 499 کورونا وائرس کے مریض انتقال کر چکے ہیں جبکہ اس کے کُل مریضوں کی تعداد 15 لاکھ 56 ہزار 445 ہو چکی ہے۔
گزشتہ 24 گھنٹوں میں ملک میں کورونا وائرس کے مزید 20 ہزار 949 ٹیسٹ کیے گئے۔
COVID-19 Statistics 03 August 2022
— NIH Pakistan (@NIH_Pakistan) August 3, 2022
Total Tests in Last 24 Hours: 20,949
Positive Cases: 806
Positivity %: 3.85%
Deaths: 09
Patients on Critical Care: 160
این سی او سی کے مطابق ملک میں گزشتہ 24 گھنٹوں کے دوران سب سے زیادہ مثبت کورونا کیسز کی شرح ایبٹ آباد میں 21 اعشاریہ 74 فیصد ریکارڈ ہوئی ہے۔
مثبت کورونا کیسز کی شرح مظفر آباد میں 19 اعشاریہ 23 فیصد، صوابی میں 14 اعشاریہ 29 فیصد، بہاولپور میں 12 اعشاریہ 50 فیصد، لاہور میں 10 اعشاریہ 41 فیصد، مردان میں 9 اعشاریہ 72 فیصد ریکارڈ کی گئی۔
اسی دوران مثبت کورونا کیسز کی شرح گلگت میں 4 اعشاریہ 30 فیصد، میرپور آزاد کشمیر میں 4 اعشاریہ11 فیصد، فیصل آباد میں 3 اعشاریہ 81 فیصد، پشاور میں 3 اعشاریہ 45 فیصد، کراچی میں 2 اعشاریہ19 فیصد ریکارڈ ہوئی ہے۔
