(جہانزیب احمد خان ) نارووال میں درجنوں وارداتوں میں مطلوب ڈکیت گینگ کو شہری نے مبینہ طور پر اپنے گھر میں ڈیڑھ ماہ قبل ہونے والے ڈکیتی کی پاداش میں قتل کر دیا ۔
ذرائع کے مطابق نارووال پولیس کے حوالے سے بتایا کہ شہر کا ایک خطرناک گینگ ہلاک ہو کر ختم ہو گیا ہے، گینگ کو اسامہ یونس نامی شخص نے اپنے ساتیوں کے ساتھ مل کر قتل کیا ہے۔ڈی ایس پی ملک خلیل نے بتایا کہ ڈاکوو¿ں نے مبینہ طور پر اسامہ کے گھر ڈیڑھ ماہ قبل ڈکیتی کی واردات کی تھی، اسامہ یونس اور ڈکیت گینگ سرغنہ کی آپس میں دوستی رہی تھی, اسامہ نے انتقاماً اپنے ساتھیوں کی مدد سے گینگ سرغنہ اور اشتہاری مجرم اشرف عرف ماما چنگڑ کو 5دیگر ڈکیتوں سمیت قتل کر دیا۔
ڈی ایس پی کے مطابق یہ واقعہ تھانہ نور کوٹ کی حدود میں پیش آیا، ڈاکوو ں کو مارنے کے بعد اسامہ یونس اور اس کے ساتھی فرار ہو گئے ہیں، جب کہ پولیس نے مارے گئے ڈاکووں سے کلاشنکوف سمیت بڑی تعداد میں اسلحہ برآمد کیا ہے۔
