امریکا میں سڑک پر ہنگامی لینڈنگ کی کوشش میں ایک چھوٹا طیارہ گر کر تباہ ہو گیا

( مانیٹرنگ ڈیسک ) امریکا میں سڑک پر ہنگامی لینڈنگ کی کوشش کے دوران ایک چھوٹا طیارہ گر کر تباہ ہوگیا جس میں پائلٹ معمولی زخمی ہوا۔

یہ واقعہ امریکی ریاست فلوریڈا کے شہر اورلینڈو میں پیش آیا اور اس حادثے کی ویڈیو اسی سڑک پر موجود کار  سوار نے بنائی جو سوشل میڈیا پر وائرل ہو رہی ہے۔ 

ویڈیو میں دیکھا جاسکتا ہے کہ ایک چھوٹا طیارہ کار ڈرائیور کے سامنے انتہائی نچلی پرواز کرتے ہوئے سڑک پر لینڈنگ کی کوشش کرتا ہے تاہم اس دوران طیارے کی نوک سڑک سے ٹکراتی ہے اور طیارہ تباہ ہوجاتا ہے۔ 

اس ویڈیو کے بعد سامنے آنے والی صورتحال کے مطابق طیارے میں آگ نہیں لگی اور اس میں سوار پائلٹ معمولی زخمی ہوا۔