والدین کی آخری نشانی بھی نہ رہی، اداکار امیتابھ بچن نے سوپان کو 23 کروڑ میں بیچ دیا۔

بالی وڈ کے معروف اداکار امیتابھ بچن نے اپنے ماں باپ کی آخری نشانی دہلی میں واقع آبائی گھر 23 کروڑ روپے میں بیچ دیا۔ بہت پرانا ہے گرا کر نیا بنائیں گے، نئے مالک کا اعلان۔رپورٹ کے مطابق دہلی کے علاقے گل مہرپارک میں واقع ’سوپان‘ نامی گھر کی رجسٹری ان کی والدہ تیجی بچن کے نام پر تھی۔ اب اس گھر کے نئے مالک نیزون گروپ آف کمپنیز کے سی ای او اونی بدر ہیں۔ اونی بدر کی اپنی رہائش گاہ بھی سوپان کے قریب ہی واقع ہے تاہم وہ امیتابھ بچن کے تیس سال پرانے دوست ہیں۔ سوپانپ کا رقبہ تقریباً 418 مربع میٹر ہے اور مکان کی خریدوفروخت کا معاہدہ گذشتہ سال سات دسمبر میں طے پایا تھا۔ گھر کے نئے مالک اونی بدر کا کہنا ہے گھر کی حالت بہت خستہ ہے اس لئے اب اس کی مرمت پر پیسے لگانے کی بجائے اسے گرا کر نئے سرے سے اپنی ضروریات کے مطابق تعمیر کی جائے گی۔امیتابھ بچن اپنی اہلیہ جیا بچن، بیٹے ابھیشک بچن، بہو ایشوریہ رائے بچن اور پوتی آرادھیا کے ہمراہ ممبئی میں رہائش پذیر ہیں۔ وہ ایک ہی گھر میں رہتے ہیں جسے ’جلسہ‘ کا نام دیا گیا ہے۔ ان کی ممبئی میں کئی پراپرٹیز ہیں جبکہ اپنے آبائی شہر الہٰ آباد میں بھی اپنا آبائی گھر اور دبئی میں بھی ایک کوٹھی ہے