پیغمبر اسلام حضرت محمدﷺ کے خلاف گستاخانہ بیان کا معاملہ، نماز جمعہ کے بعد بھارت میں گھیراو جلاو
( مانیٹرنگ ڈیسک ) ہندوستان کے کئی شہروں میں نماز جمعہ کے بعد حکمران جماعت بھارتیہ جنتا پارٹی (بی جے پی) کی سابق ترجمان نوپور شرما کے بیان کیخلاف پرتشدد مظاہرے ہوئے۔ کئی شہروں میں پولیس اہلکاروں پر پتھراؤ بھی کیا گیا۔
مغربی بنگال کے شہر ہاوڑہ میں سینکڑوں لوگوں نے احتجاج کیا۔ لوگوں نے قابل اعتراض تبصرہ کرنے والے بی جے پی لیڈروں کے پتلے بھی جلائے۔ اس کے علاوہ ممبئی میں، سینکڑوں خواتین نے ریلی نکالی۔
#WATCH | #Jharkhand: Protest over the controversial remarks by suspended #BJP leader #NupurSharma turned violent in #Ranchi. Vehicles were torched and vandalised and stone-pelting occurred. Injuries reported. pic.twitter.com/WzR9JdMPye
— The Times Of India (@timesofindia) June 10, 2022
اس کے علاوہ سولاپور میں بڑی تعداد میں لوگ جمع ہوئے اور شدید نعرے بازی کی۔ اتر پردیش کے مختلف شہروں میں سینکڑوں لوگوں نے احتجاج کیا اور پیغمبر اسلام حضرت محمد ﷺ کے بارے میں قابل اعتراض تبصرہ کرنے والوں کی گرفتاری کا مطالبہ کیا۔ کئی مقامات سے آتش زنی اور پتھراؤ کی بھی اطلاعات ہیں۔
اتر پردیش کے شہر مراد آباد میں سینکڑوں لوگوں نے احتجاج کیا۔ مشتعل لوگوں کو ہٹانے کے لیے پولیس کو ہلکی طاقت کا استعمال کرنا پڑا۔ اس کے ساتھ کانپور میں 3 جون کو ہوئے فرقہ وارانہ تشدد کے پیش نظر پولیس ڈرون سے نگرانی کر رہی ہے۔ سیکورٹی فورسز نے علاقے میں فلیگ مارچ کیا ہے۔
#WATCH पश्चिम बंगाल: हावड़ा में लोगों ने निलंबित भाजपा नेता नुपुर शर्मा और निष्कासित नेता नवीन जिंदल द्वारा विवादित बयान पर विरोध प्रदर्शन किया। मौके पर पुलिस कर्मी मौजूद हैं। pic.twitter.com/tGe0M2fYYO
— ANI_HindiNews (@AHindinews) June 10, 2022
جمعہ کو نماز جمعہ کے بعد کانپور کے بیکن گنج تھانہ علاقے میں فرقہ وارانہ تشدد دیکھنے میں آیا۔ پریاگ راج میں احتجاج کے بعد پتھراؤ ہوا ہے۔ پتھراؤ کرنے والوں نے پولیس کی گاڑی کو بھی نشانہ بنایا۔
بھیڑ کو ہٹانے کے لیے ریپڈ ایکشن فورس کو آنسو گیس کے گولے داغنے پڑے۔ لوگوں نے سڑکوں پر کھڑے کئی رکشوں کو آگ لگا دی ہے۔ اتر پردیش کے وزیراعلیٰ یوگی آدتیہ ناتھ نے پولیس کو پتھراؤ کرنے والوں کے خلاف سخت کارروائی کرنے کی ہدایت دی ہے۔
#WATCH Prayagraj ADG's vehicle damaged after a protest erupted in Atala area over controversial remarks of suspended BJP leader Nupur Sharma & expelled BJP leader Naveen Kumar Jindal, earlier today
— ANI UP/Uttarakhand (@ANINewsUP) June 10, 2022
The ADG was on ground to control the law&order situation as a protest erupted pic.twitter.com/lCCYrTyBOq
حیدر آباد میں مکہ مسجد کے باہر لوگوں کے احتجاج اور صورتحال کو قابو میں رکھنے کے لیے سی آر پی ایف کو تعینات کیا گیا ۔
دارالحکومت دہلی کی جامع مسجد کے باہر لوگ ہاتھوں میں پوسٹر اور بینرز لے کر نعرے لگا رہے تھے۔ مظاہرے کے بارے میں جامع مسجد کے شاہی امام کا کہنا ہے کہ مسجد کمیٹی کی جانب سے مظاہرے کی کوئی کال نہیں دی گئی۔
