بریکنگ نیوز: نواز شریف نے پرویز الہی کو وزیر اعلی پنجاب بنانے کی منظوری دے دی
( رضا ہاشمی ) معروف تجزیہ کار اور سینئر صحافی میاں طاہر نے اپنی تازہ ترین ٹوئٹ میں انکشاف کیا ہے کہ مسلم لیگ ن کے تاحیات سربراہ محمد نواز شریف نے ق لیگ کے رہنما اور حکومتی اتحادی چوہدری پرویز الہی کو وزیر اعلی پنجاب بنانے کی منظوری دے دی ہے۔
بریکنگ: میاں نوازشریف نے پرویز الہی کو وزیراعلی پنجاب بنانے کی منظوری دے دی
— Mian Tahir(in person) (@socialcritiq) March 27, 2022
گزشتہ دو روز سے خبروں میں تھا کہ وزیر اعظم کی جانب سے پنجاب اسمبلی تحریر کرنے کے احکامات جاری کر دیئے گئے ہیں اور وزیر اعلی پنجاب نے اس حؤالے سے باضابطہ سمری بھی تیار کر رکھی ہے لیکن وہ سمری گورنر کو بھجوائے جانے پر حکومتی ایوانوں میں شدید تحفظات پائے جا رہے تھے اور عمران خان کے قریبی مشیروں کا کہنا تھا کہ گورنر پنجاب قابل اعتبار نہیں ہیں وہ اس سمری پر کبھی علمدرآمد نہیں کریں گے اور پرویز الہی کے ساتھ ذاتی تعلق کی وجہ سے وہ اسمبلی تحلیل نہیں کریں گے ۔
ذرائع کے مطابق عمران حکومت نے پنجاب اسمبلی تحلیل کرنے کی دھمکی کو اس لئے لیک کرایا تھا کہ ق لیگ کو تحریک عدم اعتماد میں اپوزیشن کا ساتھ دینے سے باز رکھا جا سکے اور جس پنجاب میں حکومت کا خواب وہ دیکھ رہے ہیں اسکی اسمبلی تحلیل ہو جانے کی صورت چوہدری پرویز الہی کا وزیر اعلی بننے کا خواب شرمندہ تعبیر نہیں ہو گا ۔
