(مائرہ ارجمند) آج اتوار ہے ،فروری کی 13 تاریخ عیسوی سال 2022، 11 رجب قمری سال 1443 جبکہ پھگن کی یکم تاریخ اور دیسی کیلینڈر کا 2078 واں سال ہے
لاہورمیں آلودگی کی شرح میں معمولی کمی، شہر کا ایئر کوالٹی انڈیکس 188 پر آگیا۔ آلودہ ترین شہریوں کی فہرست میں لاہور دوسرے نمبر پر ہے۔
لاہور کے آلودہ ترین علاقوں میں گرین ٹاون کے علاقہ میں اے کیو ائی 283 ہے کوٹ لکھپت میں 262 اور ڈیفینس فیز 5 میں بھی 262 اے کیو آئی ہے جبکہ ٹاون شپ میں اے کیو آئی 210 ہے۔
محکمہ موسمیات کے مطابق آج شہر میں کم سے کم درجہ حرارت 9ڈگری اور زیادہ سے زیادہ22 ڈگری رہنے کی توقع ہے، جبکہ ہوا میں نمی کا تناسب76 فیصد ریکارڈ کیا گیا، اگلے 24 گھنٹے کے دوران سردی کی لہر برقرار رہے گی۔
