مریم نواز کو قتل کی دھمکی دینے والی کی ویڈیو سوشل میڈیا پر وائرل

(مانیٹرنگ ڈیسک )مسلم لیگ ن کے رہنما طلال چوہدری نے فیصل آباد کے ضمنی انتخابات کی مہم کے دوران مریم نواز کو جان سے مارنے کی دھمکی دینے والے شخص کی ویڈیو شیئر کر دی۔

سماجی رابطے کی ویب سائٹ ٹوئٹر پر جاری کیے گئے بیان میں طلال چوہدری نے یہ ویڈیو شیئر کی ہے۔

ان کا کہنا ہے کہ شکست دیکھ کر اب دھمکیاں دی جا رہی ہیں، اس کی ذمے داری عمران خان پر ہے، جو خود فیصل آباد میں قومی اسمبلی کے حلقے این اے 108 سے امیدوار ہیں۔

فیصل آباد ضمنی الیکشن میں“مریم نواز کو قتل کرنے کی دھمکی”
اسکی ذمہ داری عمران خان پر ہے جو خود فیصل آباد NA108 سے امیدوار ہے۔شکست دیکھ کر اب دھمکیاں دی جا رہی ہیں
الیکشن کمیشن اور پولیس ایکشن لے ورنہ اپنی قیادت کی حفاظت کے لئے ہر حد تک جا سکتے ہیں@ECP_Pakistan@OfficialDPRPP pic.twitter.com/bu0IwOQHvy

— Tallal Chaudry (@TallalPMLN) October 13, 2022

طلال چوہدری نے مطالبہ کیا ہے کہ اس دھمکی دینے والے کے خلاف الیکشن کمیشن اور پولیس ایکشن لے ورنہ اپنی قیادت کی حفاظت کے لیے ہم ہر حد تک جا سکتے ہیں۔

ن لیگی رہنما کی جانب سے ٹوئٹر پر شیئر کی گئی ویڈیو میں ایک شخص نے عمران خان کی گرفتاری کی صورت میں مریم نواز کو جان سے مارنے کی دھمکی دی ہے۔