(جہانزیب احمد خان )شیخوپورہ کے گاؤں ہیچڑ سے پولیس نے ہفتہ 8 اکتوبر کو مختلف مقامات سے آٹھ افراد کی لاشیں برآمد کی ہیں، تمام افراد کو تیز دھار آلے سے قتل کیا گیا ہے۔
پولیس کے مطابق ملزم نے تمام افراد کو کلہاڑی کے وار سے قتل کیا۔ قتل کیے گئے تمام افراد ڈیروں یا کھیتوں میں سوئے ہوئے تھے۔ واقعہ جمعہ اور ہفتے کی درمیانی شب پیش آیا۔
شیخوپورہ تھانہ نارنگ منڈی کے گاؤں ہیچڑ میں 8افراد قتل۔آٹھوں افراد کو مختلف مقامات پر سوتے میں قتل کیا گیا ۔تمام افراد کو کلہاڑی کے وار سے قتل کیا گیا ملزم نے ڈیروں اور گلیوں میں سوئے افراد کو قتل کیا ملزم فیض کو گرفتار لیا کیا گیا ہے ۔ ڈی پی او شیخوپورہ pic.twitter.com/L6Nk68tr6l
— idrees Jutt (@idrespawar122) October 8, 2022
ڈسٹرکٹ پولیس آفیسر شیخوپورہ فیصل مختار کے مطابق واقعہ کی اطلاع ملتے ہی پولیس کی بھاری نفری موقع پر پہنچ گئی ہے، جب کہ ملزم کو بھی آلہ قتل سمیت گرفتار کرلیا گیا ہے۔
حکام کے مطابق بظاہر لگتا ہے کہ ملزم جنونی اور ذہنی معذور ہے، فی الحال حتمی طور پر کچھ نہیں کہہ سکتے۔ ملزم کو گرفتار کرلیا گیا ہے، جس سے تفتیش جاری ہے۔
قتل ہونے والوں میں اسد، فیصل، شیروز، دلاور اور اسد شامل ہیں، تمام افراد گلیوں یا ڈیروں پر سوئے ہوئے تھے، پولیس نے موقع پر پہنچ کر علاقے کا محاصرہ کر لیا ہے۔
ڈی پی او شیخوپورہ فیصل مختار نے کہا ہے کہ ملزم کو آلہ قتل سمیت گرفتار کر لیا گیا ہے، گرفتار شخص بظاہر ذہنی معذور دکھائی دیتا ہے۔
