وزیر خزانہ مفتاح اسماعیل کا کہنا ہے کہ فورسز کا بجٹ گرانٹ کے ساتھ 1400 ارب روپے ہے۔ وزیر خزانہ کے مطابق یہ کل بجٹ کا صرف 2 فیصد بنتا ہے۔
اسلام آباد میں پریس کانفرنس کرتے ہوئے وزیر خزانہ مفتاح اسماعیل نے آئی ایم ایف کے ساتھ معاہدے کے علاوہ پیٹرولیم مصنوعات کی قیمتوں میں اضافے اور حکومتی پلان پر گفتگو کی۔
انہوں نے بتایا کہ آئی ایم ایف کے ساتھ اسٹاف لیول معاہدہ جون میں ہو جائے گا جبکہ سعودی عرب بھی ہماری مدد کرے گا تاہم وزیر خزانہ نے سعودی حکومت کی جانب سے ملنے والی مدد سے متعلق کچھ بتانے سے گریز کیا، انہوں نے چین کے حوالے سے بھی آئندہ ہفتے اچھی خبر دینے کا اعلان کیا۔
