شیخ رشید نے امریکی سازش بیانیے سے ہوا نکالتے ہوئے کہا کہ عمران خان کو پتہ تھا کہ اس طرح ملبہ گرنے والا ہے اسی لئے اس نے جاتے جاتے معیشیت کی بارودی سرنگیں بچھا دیں۔ شیخ رشید نے کہا کہ مجھے بھی آئی بی نے 4 مہینے پہلے بتا دیا تھا کہ آپ جارہے ہیں۔سابق وزیر داخلہ شیخ رشید نے امریکی سازش کے بیانیے سے ہوا نکال دی۔
24 نیوز کے پروگرام دستک میں اعتراف کرتے ہوئے شیخ رشید نے کہا کہ عمران خان نے جاتے جاتے معاشی بارودی سرنگیں بچھائیں اور پٹرول اور بجلی کی قیمتوں میں کمی کی۔شیخرشید نے کہا کہ عمران خان نے کچھ تو سوچا تھا جو جاتے جاتے تیل اور گیس کی قیمتیں کم کر گئے تاکہ نئی حکومت کے لیے مشکلات پیدا کی جائیں۔
سربراہ عوامی مسلم لیگ نے کہا کہ عمران خان کو پتہ تھا کہ اس طرح اس پر سارا ملبہ گرنا ہے اسی لئے انہوں نے جاتے جاتے معیشیت کی بارودی سرنگیں بچھا دیں، وہ بھی وزیراعظم تھا اسے بھی پتہ تھا کہ کیا ہورہا ہے۔
