عمران خان اب بس تصادم چاہتے ہیں، اپوزیشن بھی تیار ہے، پروگرام ریاست کی سیاست

سینیر صحافی اخلاق باجوہ نے پروگرسم ریاست کی سیاست میں کہا ہے کہ انکو سب کچھ معلوم ہے کہ اکثریت نہیں رہی اور وزیر اعظم کی گیم اب یہ ہے کہ اب بس تصادم ہو۔ مرتا کیا نہ کرتا یہ گورنر راج بھی لگانے کی کوشش کریں گے۔ آپ دیکھیے گا یہ اب چاہیں گے کہ تصادم ہو اور ایک ہی آواز آئے اور وہ ہو میرے عزیز ہم وطنو۔۔۔
گزشتہ پروگرام کے دوسرے حصے میں کیئے گیئے انکشافات حقیقت میں بدلنا شروع ہوگئے ہیں۔ گزشتہ پروگرام میں میزبان رضا ہاشمی سے گفتگو میں سینیر صحافی اخلاق باجوہ نے کہا تھا کہ عمران خان صوبوں میں گورنر راج لگا سکتے ہیں۔
اس حوالے سے سینئر صحافی اور دنیا ٹی وی کے سینئر رپورٹر اخلاق باجوہ کہنا تھا کہ تحریک انصاف کے لوگ اپنی قیادت کو مل کر حمزہ کو رپورٹ دیتے ہیں۔ انہوں نے کہا کہ چوہدری اب اپوزیشن کو دیگر اتحادیوں کے حوالے سے ضمانت دے رہے ہیں جبکہ دوسری جانب زرداری کا بی پلان بھی ہے۔ اپوزیشن کے پاس نمبر 202 پر پہنچ گیا۔ عمران خان کو معلوم ہے کہ گیم ڈل گئی ہے۔ انہوں نے از راہ مذاق کہا کہ لاڈلے بچے کو کہا گیا ہے کہ بیٹا چل کر دکھاو۔ یہ گیم آصف زرداری کی بنائی ہوئی ہے۔ انہوں نے انکشاف کیا کہ پرویز الہی’ نے جنرل فیض کے فون کا جنرل باجوہ کو بتایا۔
پی ڈی ایم اور ق لیگ کے درمیان پنجاب ڈیل ہوئی ہے، اخلاق باجوہ نے کہا کہ پنجاب میں 9 نشستوں پر ق لیگ کے مقابلے پر امیدوار کھڑے نہیں کیئے جائیں گے، سینئر صحافی کا کہنا تھا کہ دوست ممالک کی مداخلت صرف کہانی ہے۔
سعودیہ اور چین کو خان صاحب ناراض کر چکے وہ کہاں اور کیوں انکی مدد کو آئیں گے۔ بلکہ اب انٹرنیشنل سازش کے حوالے سے یہ ہے کہ عمران خان یقینی موت دیکھ کر سازش کا بیانیہ گھڑ رہے ہیں۔ تحریک انصاف کے ممبران میں مایوسی ہے۔ اگلے انتخابات میں آزاد امیدواروں کی تعداد تحریک انصاف کے امیدواروں سے زیادہ ہوگی۔ خان صاحب انتشار پھیلانا چاہتے ہیں۔ پنڈی نے بتا دیا کہ تصادم قبول نہ ہوگا۔