( مانیٹرنگ ڈیسک ) پاکستان تحریک انصاف کے چیئرمین اور سابق وزیر اعظم عمران خان کو سوشل میڈیا پر 1930 میں ہونے والی گول میز کانفرس کی تصویر میں اپنے رشتہ داروں کا بتانا مہنگا پڑ گیا۔
سابق وزیر اعظم عمران خان کی جانب سے سوشل میڈیا پر 1930 میں ہونے والی گول میز کانفرنس کی تصویر شئیرکی گئی جس میں انہوں نے لکھا کہ ‘لندن 1930 کی تاریخی گول میز کانفرنس میں قائد اعظم اور علامہ اقبال دونوں موجود تھے،یہ تصویر میرے خاندان کے لیے فخر کا باعث اس لیے ہے کیونکہ تصویر کے بائیں جانب سے دوسرے اور تیسرے نمبر پر میرے دادا کے بھائی محمد زمان خان جن کے نام پر زمان پارک بھی قائم کیا گیا ہے اور میرے خالو جہانگیر خان بھی موجود ہیں’۔
لندن 1930 کی تاریخی گول میز کانفرنس جس میں قائداعظم اور اقبال دونوں موجود تھے۔
— Imran Khan (@ImranKhanPTI) August 7, 2022
یہ تصویر میرے خاندان کیلیے فخر کاباعث ہے کیونکہ اس میں میرے دادا کےبھائی محمدزمان خان(جن کے نام پر زمان پارک قائم کیاگیا) اور میرے خالو جہانگیر خان بھی موجود ہیں (بائیں جانب سے دوسرے اور تیسرے نمبر پر) pic.twitter.com/MCVSGcyqXx
سوشل میڈیا صارفین نے تصدیق کرتے ہوئے کہا کہ یہ تصویر برطانیہ کی اوپن یونیورسٹی کی ویب سائٹ پر موجود ہے جس میں عمران خان کے کسی بھی رشتہ دار کا ذکر نہیں ہے۔
یہ پہلا موقع نہیں ہے کہ جب عمران خان نے اس طرح کی غلط معلومات کے ساتھ تصویر شیئر کی ہو، اس سے قبل بھی انہوں نے 2018 میں یوم آزادی کے موقع پر تصویر شیئر کی تھی جس میں انہوں نے کہا تھا کہ بانی پاکستان محمد علی جناح اور شاعر مشرق علامہ اقبال ان کے رشتہ داروں کے پاس بیٹھے ہوئے ہیں۔
