لاہور میں بارش نے جل تھل ایک کردیا، سلامت پورہ میں چھت کرنے سے دو افراد جاں بحق

( مائرہ ارجمند ) لاہور میں موسلا دھار بارش سے جل تھل ایک ہو گیا ، شہر کی گلیاں اور سڑکیں تالاب کا منظر پیش کرنے لگیں جبکہ نشیبی علاقے زیر آب آگئے ۔

گزشتہ رات سے شروع ہونے والی  بارش کے باعث  فیروز پور روڈ ، لکشمی چوک ، جیل روڈ ، کینال ، رائیونڈ روڈ ، کوٹ لکھپت ، کچا جیل روڈ ، جوہر ٹاؤن ، چونگی امرسدھو ، گرین ٹاؤن کاہنہ ، نشتر  اور یوحنا آباد  ، ساندہ ، باغبانپورہ سمیت دیگر علاقوں میں  موسلا دھار بارش سے گلیاں تالاب کا منظر پیش کرنے لگیں ۔

سب سے زیادہ بارش تاجپورہ میں 224 ملی میٹر ریکارڈ کی گئی ۔سلامت پورہ میں بارش کے باعث گھرکی چھت گرگئی، ملبے تلے دب کر ایک شخص جاں بحق جبکہ 2افراد زخمی ہو گئے ۔

سڑکوں اور گلیوں میں کئی انچ تک پانی کھڑا ہونے کے باعث شہریوں کو شدید مشکلات کا سامنا کرنا پڑا ، ٹریفک سست روی کا شکار رہی جبکہ موٹر سائیکلیں اور گاڑیاں بند ہونے سے  ٹریفک کی لمبی لمبی قطاریں بھی لگی رہیں ۔