اوکاڑہ کے نواحی قصبہ کبیروالا سے اغوا ہونے والی لڑکی بے ہوشی کی حالت میں ایک ہفتے بعد مل گئی

( جہانزیب احمد خان ) اوکاڑہ کے نواحی قصبہ کبیر والا میں ایک ہفتہ قبل اغوا کی گئی لڑکی بے ہوشی کی حالت میں مل گئی۔ لڑکی کے ہاتھ اور پاؤں رسیوں سے بندھے اور کپڑے پھٹے ہوئے تھے۔ 

پولیس کے مطابق نواحی گاؤں سے مبینہ طور پر اغوا ہونے والی لڑکی گزشتہ شام پل بٹہ کوٹ پر سڑک پر بے ہوش پڑی تھی۔ 

اہل علاقہ کی اطلاع پر ریسکیو اور پولیس نے موقع پر پہنچ کر لڑکی کو تحصیل اسپتال پہنچا دیا۔جہاں اسے طبی امداد دی جا رہی ہے۔ 

پولیس نے مقدمہ درج کرکے دو ملزمان کو گرفتار کرلیا، مزید ملزمان کی گرفتاری کے لیے چھاپے مارے جارہے ہیں۔

قبل ازیں لاہور ماڈل ٹاؤن سے 10 سالہ گھریلو ملازمہ پر مالکان کی جانب سے تشدد کے بعد پولیس نے چھاپہ مار کر متاثرہ بچی کو بازیاب کروا یا تھا اقبال ٹاؤن کے علاقے میں 10 سالہ بچی فاطمہ فرحان نامی شخص کے گھر پر تین ماہ سے گھریلو ملازمہ کے طور پر کام کرتی تھی۔

ظالم مالکن اور اسکا شوہر فرحان بچی پر تشدد کرتے تھے۔