سیاسی عدم استحکام پر مسلم لیگ ن نے نئی حکمت عملی بنالی اور نوازشریف نے بعض رہنماؤں کو الیکشن کی تیاریوں کا اشارہ دے دیا۔
تفصیلات کے مطابق سیاسی عدم استحکام پر مسلم لیگ ن نے نئی حکمت عملی بنالی، ذرائع نے بتایا ہے کہ اکثریتی رائے میں کہا گیا ہے کہ جب تک نکالا نہ جائے، خود حکومت نہ چھوڑی جائے۔ن لیگی رہنما کا کہنا ہے کہ اتحادی چھوڑ جائے یا کوئی اور وجہ بنے تو حکومت سے نکلناچاہیے، پارٹی میں حکومت سے متعلق 2رائے ہونے پر ہی نئی حکمت عملی بنائی گئی۔
سینئررہنما ن لیگ نے کہا ہمیں تنگ کیا گیا تو پھر ہم بیانیہ بنا کرعوام میں جائیں گے۔
ذرائع ن لیگ نے بتایا ہے کہ نوازشریف نے بعض رہنماؤں کو الیکشن کی تیاریوں کا بھی اشارہ دیا ہے ، اس حوالے سے ایک ماہ میں شاہدخاقان نے لندن کا تیسرا دورہ کیا۔ذرائع کے مطابق شاہدخاقان نوازشریف سے ملاقات کرکے واپس لوٹے، سعدرفیق اورجاوید لطیف بھی لندن ملاقاتوں میں شریک رہے جبکہ چند اتحادی جماعتوں کے رہنماؤں نے بھی نوازشریف سے ملاقاتیں کیں۔
