( مانیٹرنگ ٖڈیسک) سینئر اداکارہ و میزبان ثمینہ پیرزادہ نے کہا ہے کہ ملک کے حالات دیکھ کر اُن کا دل دُکھتا ہے۔
ثمینہ پیرزادہ کا شمار اُن شوبز شخصیات میں ہوتا ہے جو اکثر و بیشتر سوشل میڈیا پر ملک کی موجودہ صورتحال سے متعلق اپنے خیالات کا اظہار کرتی نظر آتی ہیں لیکن بعض اوقات اُنہیں صارفین کی جانب سے تنقید کا نشانہ بھی بنایا جاتا ہے۔
میں بھی ایک عام شہری ہوں میرا بھی دل دکھتا ہے اپنے ملک کے حالات دیکھ کر۔صرف اس لیئے کہ میں ایک اداکارہ ہوں تو معیشت پر اور سیاست پربات نہیں کرسکتی۔خیر خوش رہیں سب۔ کسی کو کچھ بھی کہنے سے پہلے تھوڑی سی تحقیق کر لینی چاہیئے
— Samina Peerzada (@SaminaSays) June 26, 2022
اب اداکارہ نے اپنے ناقدین کو جواب دینے کے لیے مائیکرو بلاگنگ سائٹ ٹوئٹر پر خصوصی پیغام جاری کیا ہے۔
ثمینہ پیرزادہ نے اپنے ٹوئٹ میں کہا کہ میں بھی ایک عام شہری ہوں، ملک کے حالات دیکھ کر میرا بھی دل دُکھتا ہے۔
اُنہوں نے سوالیہ انداز میں کہا کہ صرف اس لیے کہ میں ایک اداکارہ ہوں تو معیشت پر اور سیاست پر بات نہیں کرسکتی؟ خیر، سب خوش رہیں۔
اداکارہ نے اپنے ناقدین کو مشورہ دیتے ہوئے مزید کہا کہ کسی کو کچھ بھی کہنے سے پہلے تھوڑی سی تحقیق کر لینی چاہیے۔
