شادیوں میں ون ڈش پرعملدرآمد کے اعلان کے بعد لاہور میں برائلر مرغی کی قیمت نیچے آنے لگی، فارمی انڈوں کی قیمت برقرار

(مائرہ ارجمند) پنجاب حکومت کی جانب سے شادیوں میں ون ڈش پرعملدرآمد کے اعلان کے بعد لاہور میں برائلر مرغی کی قیمت نیچے آنے لگی ہے ۔ آج شہر میں مرغی کاگوشت 14 روہے فی کلو کمی کے بعد 393 روپے کا ہو چکا ہے جو گزشتہ ہفتے کے مقابلہ میں 100 روپیہ کم ہے۔

زندہ مرغی کی فی کلو تھوک میں قیمت263 روپے جبکہ پرچون میں 271 روپے ہے۔

فارمی انڈوں کی قیمت میںکوئی ردوبدل نہیں ہوا اور آج کی قیمت 152 روہے فی درجن ہے جبکہ پیٹی کی قیمت 4 ہزار440 روپے کی ہو چکی ہے۔