لاہور میں مرغی کے گوشت کی قیمت نیچے آنے لگی،انڈے مزید مہنگے ہوگئے

( مائرہ ارجمند ) لاہور شہر میں فارمی مرغی برائلر کے گوشت کی قیمت بالاخر نیچے آنے لگی ہے اور آج مرغی کے گوشت کی قیمت میں استحکام دیکھا جا رہا ہے جو گزشتہ روز 12 روپے فی کلو کم ہوا تھا ۔ شہر میں برائلر کے گوشت کی فی کلو قیمت 385 روپے ہو چکی ہے ،کمی کا یہ رجحان چار روز جاری رہا جس دوران مجموعی طور پر برائلر کے گوشت میں 24 روپے فی کلو تک کی کمی دیکھی گئی ۔

لاہور میں زندہ مرغی کی فی کلو تھوک میں قیمت256 روپے جبکہ پرچون میں 264 روہے فی کلو مقرر کی گئی ہے ۔

شہر میں انڈوں کی فی درجن 178 روپے ہے جبکہ پیٹی کی قیمت 5 ہزار220روپےکو پہنچ گئی ہے ۔