لاہور میں مرغی کے گوشت کی قیمت میں حیرت انگیز کمی ،انڈے مزید مہنگے

( مائرہ ارجمند ) لاہور شہر میں فارمی مرغی برائلر کے گوشت کی قیمت کمی کا سلسلہ آج بھی جاری ہے اور ایک روز میں برائلر مرغی کے گوشت میں مزید 10 روپے فی کلو کمی واقع ہونے کے بعد شہر میں برائلر کے گوشت کی فی کلو قیمت 364 روپے ہو چکی ہے ،کمی کا یہ رجحان ایک ہفتے سے جاری ہے جس دوران مجموعی طور پر برائلر کے گوشت میں 45 روپے فی کلو تک کی کمی دیکھی گئی ۔

لاہور میں زندہ مرغی کی فی کلو تھوک میں قیمت243 روپے جبکہ پرچون میں 251 روہے فی کلو مقرر کی گئی ہے ۔

شہر میں انڈوں کی فی درجن قیمت میں2 روپے کا مزید اضافہ ہو گیا ہے اور آج درجن کے دام 180 روپے ہین جبکہ پیٹی کی قیمت 5 ہزار280روپےکو پہنچ گئی ہے ۔