احساس پروگرام میں تقسیم کیےگئےچوزوں میں سے زیادہ ترمرغے نکلے، شہری پریشان

( مانیٹرنگ ڈیسک ) چارسدہ میں احساس پروگرام کےتحت غریب خاندانوں میں تقسیم کیےگئےچوزوں میں سے زیادہ ترمرغے نکلے، اب غریب شہری پریشان ہیں کہ انڈے بھی نہیں ملیں گے اور مرغوں کوپالنابھی ہوگا۔

جیو نیوز کے مطابق محکمہ لائیو اسٹاک کی جانب سے دو ماہ قبل 6 ہزار خاندانوں میں 36 ہزار چوزے تقسیم کیے گئے تھے، جس کا بنیادی مقصد غریب، بیواؤں اور کم آمدنی والے خاندانوں کو گھریلوں سطح  پر مرغیاں پال کر ان کے انڈے فروخت کرکے آمدنی بڑھانا اور  روزگار شروع کرنے کے حوالے سے آگاہی دینا تھا۔ 

چوزوں کی تقسیم کے فارمولے میں پانچ مرغیاں اور ایک مرغا شامل تھا، لیکن چوزوں میں تقریباً 50 فیصد مرغے نکل آئے ہیں ۔

شہریوں نےان مرغوں کو فروخت کرنا شروع کر دیاہے جب کہ محکمہ لائیو اسٹاک نے مرغیاں وصول کرنے والوں سے تحریری طور  پر حلف لیا تھا کہ ان مرغیوں اورمرغےکو فروخت نہیں کیاجائےگا اور نہ ہی اسے ذبح کیا جائےگا۔

شہریوں کے مطابق انہیں مرغے دیے گئے ہیں جس کی وجہ سے وہ اسے فروخت یا ذبح کر رہےہیں ۔