عوام مزید مہنگائی برداشت نہیں کرسکتی، کوشش ہوگی کم بوجھ ڈالیں،اسحاق ڈار

 ( مانیٹرنگ ٖڈیسک) سابق وزیر خزانہ اسحاق ڈار  نے کہا ک اگر حکومت عوام پر مزید بوجھ ڈالے گی تو قیمتیں ٓسمان پر چلی جائے گی ۔

 اسحاق ڈار نےلندن میں گفتگو کرتے ہوئے کہا کہتحریک انصاف کی حکومت نے یہ تاثر دیا کہ سبسڈیز فنڈڈ ہیں جو کہ نہیں تھیں، یہ مجموعی طور پر 300 ارب کا مسئلہ ہے، اگر عوام پر بوجھ ڈالیں گے تو ہر چیز کی قیمت آسمان پر جائے گی، اس پرکل اتحادی قائدین سےمشاورت ہوئی۔

ان کا کہنا تھا کہ پاکستانی نے مہنگائی کا طوفان برداشت کرلیا ہے اب مزید برداشت کی سکت نہیں رہی عوام کے اندر لہٰذا اتحادیوں کیساتھ مل کرفیصلہ کریں گے اور کوشش ہوگی عوام پرکم سےکم بوجھ ڈالا جائے۔

انہوں نےپی ٹی آئی کو تنقید کا نشانہ بناتے ہوئے کہا کہ  وہ الیکشن چوری کرکے آئے تھے اور آئینی طریقے سے گئے، وہ یہ ہضم نہیں کرپارہے۔

ان کا مزید کہنا تھا کہ الیکشن کا فیصلہ اتحادی جماعتیں مل کر کریں گی جب کہ الیکشن کمشنر کے مطابق اکتوبر سے پہلے الیکشن کرا ہی نہیں سکتے، دوسرا آپشن اگست 2023 ہے۔

لیگی رہنما نے کہا کہ مخلوط حکومت کی میٹنگ میں نوازشریف اور میں شریک تھے اور یہ ضروری تھا کہ شہباز شریف یہاں آکر مشورہ کریں۔

اسحاق ڈار نے مزید کہا کہ صدر پاکستان کا عمل نہایت غیر موزوں ہے، پاکستان میں انار کی پھیلانے کی کوشش کرنا اچھی بات نہیں۔