اتحادی اتحادی نہ رہا، ق لیگ پنجاب سے تحریک انصاف کی 12 سے زائد وکٹیں اڑانے کو تیار

ترین گروپ اور ناراض ارکان کے بعد دیگر ارکان سیاسی مستقبل کے حوالے سے پریشان ہیں ۔حکمران جماعت کو پنجاب میں شدید مشکلات کا سامنا کرنا پڑ رہا ہے۔ذرائع کے مطابق حکمران جماعت کے ارکان حالات کے پیش نظر نئے آشیانے تلاش کرنے لگے۔پیپلز پارٹی اور ن لیگ کے انکار کے بعد ارکان نے ق لیگ سے امیدیں لگا لیں ہیں ۔متحدہ اپوزیشن کی پرویز الٰہی کو وزیر اعلیٰ کی پیشکش پر پی ٹی آئی ارکان پیشگی مبارکبادیں ڈے رہے ہیں ۔ ذرائع کے مطابق پی ٹی آئی کے جنوبی اور وسطی پنجاب کے 12 سے 14 ارکان کے سپیکر سے رابطے ہیں۔رابطہ کرنے والوں میں ایک اہم محکمہ کے صوبائی وزیر بھی شامل ہیں۔تمام ارکان نے چودھری پرویز الٰہی کو اپنے مکمل تعاون کی یقین دہانی کرائی ہے ۔ارکان نے آئندہ الیکشن بھی ق لیگ کے پلیٹ فارم سے لڑنے کی خواہش کا اظہار کیا ہے اور سپیکر پنجاب اسمبلی نے ان ارکان کی خواہش پر انہیں مثبت اشارہ بھی دے دیا۔ذرائع کے مطابق اگلے چند دنوں میں مذکورہ ارکان کا چودھری پرویز الٰہی سے ملاقات کا قومی امکان ظاہر کیا جا رہا ہے۔اوررابطہ کرنے والے ارکان کا ترین یا عبدالعلیم گروپ سے تعلق نہیں ہے۔اس سے قبل ان ارکان نے ن لیگ اور پیپلز پارٹی سے معاملات طے کرنے کی کوشش کی ہے ۔ان ارکان کا تعلق قصور، اوکاڑہ، بہاولپور، ڈی جی خان، ملتان، رحیم یار خاں سے ہے،حافظآباد،سرگودھا،راولپنڈی،مری،منڈی بہاؤالدین کے ارکان بھی شامل ہیں اورفیصل آباد،لاہور، گجرات ، جھنگ سمیت دیگر علاقوں کے ارکین کے شامل ہونے کی اطلاعات ہیں