( مانیٹرنگ ڈیسک ) جنوب مشرقی یوکرین پر روسی حملے میں 80 غیر ملکی جنگجو ہلاک کرنے کا دعویٰ کیا گیا ہے۔ روسی میڈیا کے مطابق جنوبی مشرقی یوکرین پر بمباری سے 470 یوکرینی فوجی بھی ہلاک ہوئے ہیں۔
روسی میڈیا نے یوکرین میں اب بھی 3 ہزار غیر ملکی جنگجو ہونے کا دعویٰ کیا ہے۔
دوسری جانب یوکرین کی وزارت دفاع کا کہنا ہے کہ فروری میں روس کے حملے کے بعد سے ملک میں موجود 2 ہزار 129 تعلیمی اداروں پر بمباری ہوئی۔
انہوں نے کہا کہ بمباری کے نتیجے میں 216 تعلیمی ادارے مکمل طور پر تباہ ہو گئے جبکہ شدید بمباری کی وجہ سے 25 یتیم خانے اور پناہ گاہوں کو نقصان پہنچا ہے۔
