وزیر تعلیم سندھ سردار شاہ کا کہنا ہے کہ 11 ہزار بند سکول انکے گلے پڑ گئے ہیں

( شیتل ملک) سندھ کے وزیر تعلیم سردار شاہ نے کہا ہے کہ حکومت صوبے میں بند 11 ہزار سرکاری سکول انکے گلے پڑ گئے ہیں تاہم اب سندھ سرکار یہ تعلیمی ادارے کھولنے جا رہی ہے۔ یہ سکول اساتذہ کی کمی کے باعث بند تھے۔ اب یکم اگست سے انہیں کھول دیا جائے گا۔ ان سکولوں میں فرنیچز نہیں ہے جو اگست سے پہلے پہنچا دیا جائے گا۔

سندھ اسمبلی میں اظہار خیال کرتے ہوئے انہوں نے کہا کہ صوبے میں 41 ہزار سرکاری پرائمری سکول ہیں۔ ان میں سے 5 ہزار غیر فعال سکول ہیں۔ یہ اسکول ہمارے گلے میں آگئے ہیں۔ ایک ایک گاؤں میں 20 ، 20 سکول ہمارے گلے میں پڑے ہیں۔ ان کا بوجھ خزانے پر پڑ رہا ہے۔

صوبائی وزیر نے کہا کہ سندھ کے سرکاری اسکولوں میں ساڑھے سات سو میوزک ٹیچر بھرتی کیے جائیں گے۔ انہوں نے کہ کہ صوبے میں 65 لاکھ بچے سکول سے باہر ہونے کے اعداد و شمار درست نہیں۔ یہ تعداد 40 سے 45 لاکھ کے درمیان ہے۔

ان کا کہنا ہے کہ ہمارا ٹارگٹ 5 ہزار سکولوں اپ گریڈ کرنا ہے ۔ بچوں کو سکولوں میں رکھنا چاہتے ہیں۔ ہمارے پاس کوئی بھی سائنس میوزیم نہیں ہے ۔صرف اسلام آباد میں سائنس میوزیم ہے۔ ہر ڈویژنل ہیڈکوارٹر میں سائنس میوزیم۔بنانے کی سکیم دے چکے ہیں۔