پاکستان اور سری لنکا کے مابین سیریز کا دوسرا اور آخری ٹیسٹ میچ آج شروع ہو گا۔
شیڈول کے مطابق پاک سری لنکا دوسرا ٹیسٹ میچ آج سے گال کرکٹ سٹیڈیم میں شروع ہو گا۔ سری لنکا کے خلاف سیریز کے دوسرے ٹیسٹ میچ سے قبل قومی ٹیم میں ایک تبدیلی کا امکان ہے جس میں مڈل آرڈر بلے باز اظہر علی کی جگہ فواد عالم کو ٹیم میں شامل کیا جا سکتا ہے جبکہ انجری کے شکار شاہین آفریدی کو آرام کروایا جائے گا۔
قومی ٹیم کے فاسٹ باؤلر شاہین شاہ آفریدی گھٹنے میں انجری کے سبب سری لنکا کے خلاف دوسرے ٹیسٹ میچ سے باہر ہو گئے ہیں لیکن اسکواڈ کے ہمراہ آئی لینڈ میں ہی رہیں گے۔
اس سے قبل پہلے ٹیسٹ میچ میں عبداللہ شفیق اور بابر اعظم کی شاندار کارکردگی کے باعث پاکستان نے سری لنکا کو 4 وکٹوں سے شکست دے کر سیریز میں ایک صفر کی برتری حاصل کر رکھی ہے۔
واضح رہے کہ قومی ٹیم آئی سی سی ورلڈ ٹیسٹ رینکنگ میں تیسرے نمبر پر موجود ہے جبکہ بھارت کی چوتھی پوزیشن ہے۔
