(مائرہ ارجمند) آج منگل ہے ،مارچ کی 15 تاریخ عیسوی سال 2022، 11 شبعاں اور قمری سال 1443 جبکہ چیت کی2 تاریخ اور دیسی کیلینڈر کا 2079 واں سال ہے۔
شہر لاہور کا موسم تیزی سے تبدیل ہو رہا ہے ۔ آنے والے چند روز میں گرمی کی شدت میں اضافہ ہوگا ۔ محکمہ موسمیات کے مطابق اگلے چوبیس گھنٹوں کے دوران لاہور سمیت پنجاب بھر میں بارش کا کوئی امکان نہیں ۔
آلودگی کی بات کی جائے تو موسم سرما کے مقابلے میں فضائی آلودگی میں خاطر خواہ کمی واقع ہوئی ہے۔ چند روز قبل لاہور کی فضا بلکل صاف ہو گئی تھی اور ائیر کوالٹی انڈیکس 50 کے لگ بھگ تھا لیکن گزشتہ روز سے آلودگی کا مسئلہ پھر سے سر اٹھانے لگا ہے اور آج لاہور دنیا بھر کے آلودہ ترین شہروں میں دوسرے چوتھی پوزیشن پر ہے ۔ لاہور میں مجموعی اے کیو آئی یعنی ائیر کوالٹی انڈیکس 191 پر ہے جو آلودگی کے اعتبار سے تیسرا درجہ ہے اور اسے آلودگی کاخطرناک درجہ خیال کیا جاتا ہے ۔ لاہور کے آلودہ ترین علاقوں میں گرین ٹاون آج سرفہرست ہے جہاں اے کیو آئی276ریکارڈ کیا گیا ہے ، ماڈل ٹاون 250 اے کیو آئی کیساتھ دوسرے اورڈیفینس فیز5 اے کیو آئی 225 کیساتھ تیسرے نمبر پر ہے۔
محکمہ موسمیات کے مطابق آج شہر میں کم سے کم درجہ حرارت18 ڈگری اور زیادہ سے زیادہ37 ڈگری رہنے کی توقع ہے، جبکہ ہوا میں نمی کا تناسب77 فیصد ریکارڈ کیا گیاہے۔
