( سوجھل مہتاب )مختصر ویڈیوز شیئرنگ ایپ ٹک ٹاک نے 18 سال سے کم عمر صارفین کے لیے لایئو سٹریمز دیکھنے پر پابندی عائد کرنے کا اعلان کر دیا۔
بین الاقوامی میڈیا کی رپورٹس کے مطابق یہ پابندی فی الوقت مخصوص صارفین کے لیے متعارف کروائی گئی ہے لیکن جلد ہی یہ پابندی تمام 18 سال سے کم عمر صارفین پر بھی عائد کر دی جائے گی۔
رپورٹ کے مطابق ٹک ٹاک کی اس پابندی کا مقصد بچوں کو غیر مناسب اور غیر ضروری مواد سے دور رکھنا ہے۔
ٹک ٹاک بچوں، نوجوانوں اور بوڑھوں کو ان کی عمر اور ضرورت کے مطابق مناسب مواد فراہم کرنا چاہتا ہے۔
ٹک ٹاک کے ترجمان کا کہنا ہے کہ ہم ایسا نظام ترتیب دینے کے لیے کوشاں ہیں جس کے ذریعے مخصوص قسم کے مواد کی شناخت اور اس تک رسائی کو بالغ افراد تک محدود کر سکیں تاکہ مواد تخلیق کرنے والوں کو ان کے مطلوبہ شائقین باآسانی میسر آ سکیں۔
