( مائرہ ارجمند) آج ہفتہ ہے فروری کی 5 تاریخ عیسوی سال 2022، 3 رجب قمری سال 1443 جبکہ ماگھ کی 23 تاریخ اور دیسی کیلینڈر کا 2078 واں سال ہے۔
شہر لاہور میں دھند نے ڈیرے ڈال رکھے ہیں جسکی وجہ سے لاہور کی طرف آنے اور جانے والی تمام موٹر ویز بند کر دی گئی ہیں جو دھند چھٹنے کے بعد کھولی جائیں گی ۔آج مطلع جزوی طور پر ابر آلود رہنے کا امکان ہے اور بدھ کے روز سے بارشوں کا نیا سلسلہ شروع ہونے کا امکان ہے ۔ آلودگی کی بات کی جائے اے کیو آئی یعنی ائیر پولشن انڈیکس کے مطابق لاہور کی فضا اب قدرے بہتر ہے اور مجموعی طور پر شہر میں آلودگی کی سطح 170 اے کیو آئی ہے اور دنیا کے آلودہ ترین شہروں میں لاہور چوتھے نمبر پر ہے۔ لاہور کے آلودہ ترین علاقوں کی بات کریں تو ایچی سن کالج مال روڈ 266 اے کیو آئی کیساتھ پہلے، امریکی قونصل خانہ 255 کیساتھ دوسرے اور گرین ٹاون 200 اے کیو آئی کیساتھ تیسرے نمبر پر ہیں۔
محکمہ موسمیات کے مطابق آج شہر میں کم سے کم درجہ حرارت 7 ڈگری اور زیادہ سے زیادہ 17 ڈگری رہنے کی توقع ہے، جبکہ ہوا میں نمی کا تناسب100 فیصد ریکارڈ کیا گیا، اگلے 24 گھنٹے کے دوران سردی کی لہر برقرار رہے گی۔
