یوٹیلیٹی سٹورز پرماہ رمضان کے دوران سستا آٹا ،چینی ،گھی ،کوکنگ آئل ملےگا مگر حد مقرر

(مائرہ ارجمند) ماہ رمضان کے دوران یوٹیلیٹی سٹورز پر سستی اشیاء کی خریداری کے لیے حد مقرر کر دی گئی، ریلیف پیکج کے تحت سستی اشیاء کی خریداری قومی شناختی کارڈ سے مشروط ہو گئی، ایک شخص پورے ماہ 40 کلو آٹا، 5 کلو چینی، 5 کلو گھی اور 2لیٹر آئل ہی یوٹیلیٹی اسٹور سے خرید سکے گا۔

نوٹیفکیشن کے مطابق ماہ رمضان کے دوران یوٹیلیٹی سٹورزپر سستا آٹا ،چینی ،گھی ،کوکنگ آئل کی ماہانہ خریداری کے لیے حد مقرر کی گئی ہے۔

عوام سستی اشیاء قومی شناختی کارڈ دکھا کر مقررہ حد تک خرید سکیں گئے،یوٹیلیٹی سٹورز نے اس کا نوٹیفکیشن جاری کر دیا جو فوری طور پر نافذ العمل ہو گا۔

نوٹیفکیشن کے مطابق ایک شخص کو پورے ماہ 40 کلو سے زیادہ آٹا نہ دیا جائے، ایک ماہ کے دوران ایک شناختی کارڈ پر پانچ کلو سے زیادہ چینی نہ دی جائے، 5 کلو سے زیادہ گھی نہ دیا جائے گا، 2 لیٹر سے زیادہ کوکنگ آئل نہیں دیا جائے گا۔

یوٹیلیٹی سٹور پر مقررہ حد سے زیادہ مقدار میں اشیاء کی فروحت کرنے والوں کے خلاف کاروائی کی جائے گئی ، رمضان کے دوران سستی اشیاء کی خریداری کرنے والوں کا رش بڑھنے کی توقع ہے ۔

حکام نے بتایا کہ یوٹیلیٹی سٹورز پر اشیاء کی قلت سے بچنے کے لیے خریداری کی حد مقرر کی گئی ہے۔