( مانیٹرنگ ڈیسک ) علی گل پیرکبھی بھی اپنے مداحوں کو مایوس نہیں کرتے، اس بار وہ بھارت سے تعلق رکھنے والے مولانا جرجیس انصاری کی ایک وائرل ویڈیو کی صحیح سے “دُرگت” بنا رہے ہیں۔
مولانا جرجیس انصاری اپنے جوش خطابت کے لیے خاصے معروف ہیں، گزشتہ دنوں سوشل میڈیا پران کی ایک ویڈیو خاصی وائرل ہوئی جس میں خاوند کو خوش رکھنے اور وقت پر ’گھرواپس ’ لانے کیلئے بیگمات کے حوالے سے ایک “پبلک سروس میسج “ جاری کررہے ہیں -”
مولاناصاحب کا سارا زوریہ بات ثابت کرنے پرہے کہ اگر بیویاں اپنے شوہروں کے لیے سج سنور نہیں سکتیں تو انہیں ان کی لاپرواہی کا شکوہ کرنے کی بھی اجازت نہیں۔
Original video pic.twitter.com/B23B0bLgEl
— Ali Gul Pir (@Aligulpir) August 1, 2022
ویڈیو میں دیکھا جاسکتا ہے کہ خوب گرجنے برسنے کے بعد مولانا جرجیس انصاری نے نہایت محویت سے سننے والوں کے گوش گزار کیا کہ بیویاں تبھٰی شکوہ کرنے میں حق و بجانب ہوں گی اگر وہ مغرب کے بعد منہ ہاتھ دھو کرسُرخی پاؤڈر لگا کر اپنی آرائش و زیبائش کا بھرپور اہتمام کریں۔
سُرخی پاؤڈرتھوپنے کے علاوہ اس ویڈیو میں علی کے دلچسپ تاثرات بھی ان کے فالوورز کو محظوظ کرنے میں پیچھے نہیں۔ اس کے علاوہ مولانا صاحب کا گیٹ اپ بھی قابل دید ہے۔
علی گل پیر کے مداحوں نے ویڈیو کو بے حد پسند کرتے ہوئے تعریفی تبصرے کیے۔
معروف شخصیات کی پیروڈی کرنے کے لیے مقبول کامیڈین و ریپرعلی گل پیرنے اس “مشورے” کو اپنی ویڈیو میں کچھ زیادہ ہی سنجیدگی سے لے لیا۔
