شہرلاہورکا موسم گرم اور خشک،محکمہ موسمیات کا کہنا ہے کہ گرمی کی شدت میں اضافہ ہوگا

(مائرہ ارجمند) آج جمعہ ہے ،اپریل کی یکم تاریخ عیسوی سال 2022، 28 شبعاں اور قمری سال 1443 جبکہ چیت کی19 تاریخ اور دیسی کیلینڈر کا 2079 واں سال ہے۔

محکمہ موسمیات نے آئندہ 10 دنوں کے دوران لاہور سمیت ملک بھر میں غیر معمولی گرمی بڑھنے کی پیش گوئی کی ہے ،درجہ حرارت معمول سے 11 سینٹی گریڈ اوپر جا سکتا ہے ۔

آلودگی کی بات کی جائے تو موسم سرما کے خواہ کمی واقع ہوئی ہے۔ چند مارچ کے شروع میں لاہور کی فضا بلکل صاف ہو گئی تھی اور ائیر کوالٹی انڈیکس 50 کے لگ بھگ تھا جو موسم سرما میں 750 سے بھی تجاوز کر چکا تھا۔ آج لاہور دنیا بھر کے آلودہ ترین شہروں میں پھر سے پہلے نمبر پر ہے اور شہر کا مجموعی اے کیو آئی 176 ہے۔لاہور کے آلودہ ترین علاقوں میں انارکلی کا علاقہ آج سرفہرست جہاں اے کیو آئی 215 ریکارڈ کیا گیا ہے . عمر بلاک علامہ اقبال ٹاون ٖٖ 214 کے ساتھ دوسرے جبکہ ایچی سن کالج مال روڈ اے کیو آئی 202 کے ساتھ تیسرے نمبر پر ہے.

محکمہ موسمیات کے مطابق آنے والے چوبیس گھنٹوں میں لاہور میں بارش کا کوئی امکان نہیں زیادہ سے زیادہ درجہ حرارت 40 ڈگری سینٹی گریڈ اور کم سے کم 23 رہنے کا امکان ہے ۔ ہوا میں نمی کا تناسب 57ریکارڈ کیا گیا ہے