شہر لاہور کا موسم آج بھی گرم اور خشک ہے، محکمہ موسمیات کا کہنا ہے کہ اگلے ہفتے تک بارش کا کوئی امکان نہیں

(مائرہ ارجمند) آج سوموار ہے ،مارچ کی 28 تاریخ عیسوی سال 2022، 24 شبعاں اور قمری سال 1443 جبکہ چیت کی15 تاریخ اور دیسی کیلینڈر کا 2079 واں سال ہے۔

محکمہ موسمیات کے مطابق آج لاہور کا موسم گرم اور خشک ہے اور بارش دور دور کوئی امکان نہیں ۔ مارچ کا آخری ہفتہ بھی غیر معمولی طور پر گرم ہے اورگرمی کی شدید لہر کی وجہ سے پنجاب کے میدانی علاقوں میں گندم کی کٹائی بھی شروع ہو چکی ہے ۔ اس سال مارچ کے دوسرے ہفتہ سے شہر کا درجہ حرارت 35 سے 40 سینٹی گریڈ کے درمیان چلا آ رہا ہے جو اس ماہ میں گزتہ 50 سال کی ریکارڈ گرمی ہے کیونکہ عام طور پر مارچ میں زیادہ سے زیادہ درجہ حرارت 30 سینٹی گریڈ رہتا ہے ۔

آلودگی کی بات کی جائے تو موسم سرما کے مقابلے میں فضائی آلودگی میں خاطر خواہ کمی واقع ہوئی ہے۔ چند روز قبل لاہور کی فضا بلکل صاف ہو گئی تھی اور ائیر کوالٹی انڈیکس 50 کے لگ بھگ تھا جو موسم سرما میں 750 سے بھی تجاوز کر چکا تھا۔ آج لاہور دنیا بھر کے آلودہ ترین شہروں میں پانچویں نمبر پر ہے ۔ لاہور میں مجموعی اے کیو آئی یعنی ائیر کوالٹی انڈیکس 224 پر ہے جو آلودگی کے اعتبار سے دوسرا درجہ ہے اور اسے آلودگی کا خطرناک درجہ خیال کیا جاتا ہے ۔ لاہور کے آلودہ ترین علاقوں میں ڈیفینس ایس بلاک اور ڈیفنس فیز 5 آج سرفہرست جہاں اے کیو آئی 172 ریکارڈ کیا گیا ہے ، ٖگلبرگ کی ظفر علی روڈ دوسرے نمبر پر ہے جہاں اے کیو آئی ہے171 ہے اور یہ لاہور کا دوسرا آلودہ ترین علاقہ ہے جبکہ گرین ٹاون اور گرد و نواح شہرکا تیسرا آلودہ ترین علاقہ ہےجہاں اے کیو آئی 168 ریکارٖڈ ہوا۔

محکمہ موسمیاتکے مطابق آنے والے چوبیس گھنٹوں میں لاہور میں بارش کا کوئی امکان نہیں زیادہ سے زیادہ درجہ حرارت 41 ڈگری سینٹی گریڈ اور کم سے کم 22 رہنے کا امکان ہے ۔ ہوا میں نمی کا تناسب 60 ریکارڈ کیا گیا ہے