شہر لاہور کا موسم
مارچ کے مہینے میں گرمی کے ریکارڈ ٹوٹ گئے

(مائرہ ارجمند) آج منگل ہے ،مارچ کی 29 تاریخ عیسوی سال 2022، 25 شبعاں اور قمری سال 1443 جبکہ چیت کی16 تاریخ اور دیسی کیلینڈر کا 2079 واں سال ہے۔

محکمہ موسمیات کے مطابق آج لاہور کا موسم گرم اور خشک ہے اور بارش دور دور کوئی امکان نہیں ۔ مارچ کا آخری ہفتہ بھی غیر معمولی طور پر گرم ہے اورگرمی کی شدید لہر کی وجہ سے پنجاب کے میدانی علاقوں میں گندم کی کٹائی بھی شروع ہو چکی ہے ۔ اس سال مارچ کے دوسرے ہفتہ سے شہر کا درجہ حرارت 35 سے 40 سینٹی گریڈ کے درمیان چلا آ رہا ہے جو اس ماہ میں گزتہ 50 سال کی ریکارڈ گرمی ہے کیونکہ عام طور پر مارچ میں زیادہ سے زیادہ درجہ حرارت 30 سینٹی گریڈ رہتا ہے ۔

آلودگی کی بات کی جائے تو موسم سرما کے خواہ کمی واقع ہوئی ہے۔ چند روز قبل لاہور کی فضا بلکل صاف ہو گئی تھی اور ائیر کوالٹی انڈیکس 50 کے لگ بھگ تھا جو موسم سرما میں 750 سے بھی تجاوز کر چکا تھا۔ آج لاہور دنیا بھر کے آلودہ ترین شہروں میں دوسرے نمبر پر ہے ۔لاہور کے آلودہ ترین علاقوں میں رائیونڈ روڈ آج سرفہرست جہاں اے کیو آئی 172 ریکارڈ کیا گیا ہے . ٖٖمال روڈ 198 کے ساتھ دوسرے جبکہ کوٹ لکھپت 195 کے ساتھ تیسرے نمبر پر ہے