شہر لاہور کا موسم گرم، مارچ کے مہینے میں مئی، بارش کب ہو گی محکمہ موسمیات نے بتا دیا

(مائرہ ارجمند) آج جمعرات ہے ،مارچ کی 17 تاریخ عیسوی سال 2022، 13 شبعاں اور قمری سال 1443 جبکہ چیت کی4 تاریخ اور دیسی کیلینڈر کا 2079 واں سال ہے۔

شہر لاہور کاموسم مارچ کے وسط میں غیر معمولی طور پر گرم اور آنے والے چند روز میں ریکارڈ گرمی پڑے گی ۔ مارچ کے ان دنوں کا اگر گزشتہ برس کے ساتھ موازنہ کیا جائے تو درجہ حرارت میں کم و بیش 10 ڈگری کا فرق ہے ۔محکمہ موسمیات کے مطابق رواں ماہ کے آخر تک بارش کا دور دور تک کوئی امکان نہیں ۔

آلودگی کی بات کی جائے تو موسم سرما کے مقابلے میں فضائی آلودگی میں خاطر خواہ کمی واقع ہوئی ہے۔ چند روز قبل لاہور کی فضا بلکل صاف ہو گئی تھی اور ائیر کوالٹی انڈیکس 50 کے لگ بھگ تھا لیکن گزشتہ روز سے آلودگی کا مسئلہ پھر سے سر اٹھانے لگا ہے اور آج لاہور دنیا بھر کے آلودہ ترین شہروں میں تیسری پوزیشن پر ہے ۔ لاہور میں مجموعی اے کیو آئی یعنی ائیر کوالٹی انڈیکس 187 پر ہے جو آلودگی کے اعتبار سے تیسرا درجہ ہے اور اسے آلودگی کاخطرناک درجہ خیال کیا جاتا ہے ۔ لاہور کے آلودہ ترین علاقوں میں ڈیفنس کا سیکٹر 8 آج سرفہرست ہے جہاں اے کیو آئی272ریکارڈ کیا گیا ہے ، ٖڈئفنس کا فیز 5 ، 232 اے کیو آئی کیساتھ دوسرے اور ظفر علی روڈ 220 اے کیو آئی کیساتھ تیسرے نمبر پر ہے۔

محکمہ موسمیات کے مطابق آج شہر میں کم سے کم درجہ حرارت19 ڈگری اور زیادہ سے زیادہ40ڈگری رہنے کی توقع ہے، جبکہ ہوا میں نمی کا تناسب73 فیصد ریکارڈ کیا گیاہے۔