(مائرہ ارجمند) آج سوموار ہے مئی کی30 تاریخ عیسوی سال 2022، 27 شوال اور قمری سال 1443 جبکہ 15جیٹھ اور دیسی کیلینڈر کا 2079 واں سال ہے۔
محکمہ موسمیات نے اگلے 3 دن کے دوران لاہور سمیت بالائی اور وسطی خیبر پختونخواہ،پنجاب اور آزاد کشمیر کے علاقوں بشمول ایبٹ آباد، راولپنڈی، اسلام آباد، گوجرانوالہ، سرگودھا، فیصل آباد، میرپور، اور مظفّرآباد میں طوفانی بارشوں کی پیش گوئی کی ہے۔
آلودگی کی بات کی جائے تو شہر میں آج بھی صور تحال بہت بہتر ہے کیونکہ آج لاہور عالمی سطح پر آلودہ ترین شہروں کی فہرست میں 24 ویں نمبر پر ہے ۔
لاہور کا مجموعی ائیر کوالٹی انڈیکس72 ہے۔
لاہور میں کوٹ لکھپت کا علاقہ 154 اے کیو آئی کیساتھ پہلے ، امریکی قونصل خانہ اور شملہ پہاڑی کے اطراف 122 کیساتھ دوسرے جبکہ انارکلی اور اسکے آس پاس کاعلاقہ 119 اے کیو آئی کیساتھ تیسرے نمبرپر ہے
محکمہ موسمیات کے مطابق آنے والے 24 گھنٹوں کے دوران لاہور میں بارش کی پیش گوئی کی ہے ۔ شہر کا زیادہ سے زیادہ درجہ حرارت 32 ڈگری سینٹی گریڈ اور کم سے کم 22 رہنے کا امکان ہے ۔ ہوا میں نمی کا تناسب68 فیصد رہے گا۔
