شہر لاہور کا موسم، بارش کا امکان، فضائی آلودگی میں لاہور دنیا بھر میں چوتھے نمبر پر

(اسیس علی) آج ہفتہ ہے اپریل کی 01 تاریخ عیسوی سال 2023، رمضان کی 10 اور قمری سال 1444 جبکہ 19 چیت اور دیسی کیلینڈر کا 2080 واں سال ہے۔

بالائی خیبر پختونخوا ،شمال مشرقی پنجاب، کشمیراورگلگت بلتستان میں تیز ہواؤں اورگرج چمک کے ساتھ بارش کا امکان ۔ ملک کے دیگر علاقوں میں موسم خشک رہے گا۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے چوتھے نمبر پر ہے۔

سید مراتیب علی روڈ کا علاقہ 187 اے کیو آئی کے ساتھ پہلے نمبر پر، کینٹ کا علاقہ 186 اے کیو آئی کیساتھ دوسرا آلودہ ترین علاقہ ہے۔ گلبرگ 2 بلاک پی کا علاقہ 182 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان جزوی طور پر ابر آلود رہنے کا امکان اور شام 3 سے 4 بجے تک بارش کا امکان ہے۔ ہوا میں نمی کا تناسب 79 فیصد تک ہو چکا ہے ۔ آج زیادہ سے زیادہ درجہ حرارت 22 سینٹی گریڈ اور کم سے کم 15 ڈگریڈ رہنے کا امکان ہے۔