شہر لاہور کا موسم،آج بھی کئی علاقوں میں ہلکی بارش کا امکان، ہوائی آلودگی میں لاہور دوسرے نمبر پر

(مائرہ ارجمند) آج پیر ہے اگست کی 01 تاریخ عیسوی سال 2022، محرم کی 02 اور قمری سال 1444 جبکہ 17 ساون اور دیسی کیلینڈر کا 2079 واں سال ہے۔

کشمیر، بالائی/وسطی پنجاب،اسلام آباد،خیبرپختونخوا، شمالی بلوچستان اورگلگت بلتستان میں تیز ہواؤں اور گرج چمک کے ساتھ مزید بارش کا امکان۔ اس دوران کشمیر اورشمال مشرقی پنجاب میں بعض مقا مات پر موسلادھار بارش متوقع ۔ ملک کے دیگر علاقوں میں موسم مرطوب رہے گا۔

آلودگی کی بات کی جائے تو صورتحال بہتر ہے اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔

لاہور کا مجموعی اے کیو آئی یعنی ائیر کوالٹی انڈیکس 153 ہے ۔

لاہور میں گلبرگ کی سید مراتب علی روڈ کا علاقہ 181 اے کیو آئی کے ساتھ پہلے جبکہ کوٹ لکھپت اور قائد اعظم انڈسٹریل اسٹیٹ 172 اے کیو آئی کیساتھ دوسرا آلودہ ترین علاقہ ہے ۔ ڈی ایچ اے فیز 5 کا علاقہ 170 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور کا آج بھی کئی علاقوں میں ہلکی بارش کا امکان۔ ہوا میں نمی کا تناسب 70 فیصد تک ہو چکا ہے ۔ آج زیادہ سے زیادہ درجہ حرارت 30 ڈگری سینٹی گریٖڈ اور کم سے کم 27 ڈگری رہنے کا امکان ہے۔