شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں تیرھویں نمبر پر

(اسیس علی) آج بدھ ہے مارچ کی 01 تاریخ عیسوی سال 2023، شعبان کی 08 اور قمری سال 1444 جبکہ 17 پھگن اور دیسی کیلینڈر کا 2079 واں سال ہے۔

ملک کے بیشترعلا قوں میں مطلع ابر آلود رہنے کے علاوہ بالائی ووسطی بلوچستان، خیبرپختونخوا ،گلگت بلتستان ، کشمیر ، بالائی ووسطی پنجاب، خطۂ پوٹھو ہار میں تیز ہواؤں اورگرج چمک کے ساتھ بارش اور پہاڑوں پر برفباری کا امکان۔ اس دوران بعض مقا مات پر ژالہ باری اور تیز بارش کی پیشگوئی۔

آلودگی کی بات کی جائے تو حالات بہتر ہیں لیکن ہوا اب بھی حساس لوگوں کے لیے غیر صحت بخش ہے اور آج لاہور دنیا بھر کے شہروں میں آلودگی کے اعتبار سے تیرھویں نمبر پر ہے۔

کینال بینک ہاؤسنگ سکیم کا علاقہ 237 اے کیو آئی کے ساتھ پہلے نمبر پر، ڈی ایچ اے فیز 5 کا علاقہ 185 اے کیو آئی کیساتھ دوسرا آلودہ ترین علاقہ ہے۔ علامہ اقبال ٹاؤن عمر بلاک کا علاقہ 176 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان جزوی طور پر ابر آلود رہنے کا امکان ہے۔ ہوا میں نمی کا تناسب 56 فیصد تک ہو چکا ہے ۔ آج زیادہ سے زیادہ درجہ حرارت 25 سینٹی گریڈ اور کم سے کم 14 ڈگریڈ رہنے کا امکان ہے۔