شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں چوتھے نمبر پر

(اسیس علی) آج پیر ہے اپریل کی 01 تاریخ عیسوی سال 2023، شوال کی 10 اور قمری سال 1444 جبکہ 18 ویساکھ اور دیسی کیلینڈر کا 2080 واں سال ہے۔

ملک کے بیشتر میدانی علاقوں میں موسم خشک رہے گا۔ تاہم خیبر پختو نخوا، اسلام آباد، بالائی/وسطی پنجاب، بلوچستان، کشمیر اور گلگت بلتستان میں تیز ہواؤں/آندھی اور گرج چمک کے ساتھ بارش /ژالہ باری کا امکان ہے۔ اس دوران بالائی خیبر پختونخوا، کشمیر اور خطہ پوٹھوہار میں چند مقامات پر موسلا دھار بارش کابھی امکان۔

آلودگی کی بات کی جائے تو حالات بہتر ہیں لیکن ہوا اب بھی حساس لوگوں کے لیے غیر صحت بخش ہے اور آج لاہور دنیا بھر کے شہروں میں آلودگی کے اعتبار سے چوتھے نمبر پر ہے۔

گلبرگ 2 بلاک پی کا علاقہ 156 اے کیو آئی کے ساتھ پہلے نمبر پر، کینٹ کا علاقہ 155 اے کیو آئی کیساتھ دوسرا آلودہ ترین علاقہ ہے۔ سید مراتیب علی روڈ کا علاقہ 155 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آمسان ابر آلود رہنے کا امکان اور کل صبح بارش کا امکان ہے۔ ہوا میں نمی کا تناسب 77 فیصد تک ہو چکا ہے ۔ آج زیادہ سے زیادہ درجہ حرارت 27 سینٹی گریڈ اور کم سے کم 19 ڈگریڈ رہنے کا امکان ہے۔