شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں پہلے نمبر پر

(اسیس علی) آج جمعہ ہے دسمبر کی 02 تاریخ عیسوی سال 2022، جمادی الاول کی 07 اور قمری سال 1444 جبکہ 18 مگھر اور دیسی کیلینڈر کا 2079 واں سال ہے۔

ملک کے بیشتر بالائی علاقوں میں مطلع جزوی ابر آلود/ابر آلود رہے گا۔ گلگت بلتستان، کشمیر اور بالائی خیبر پختونخوا میں ہلکی بارش/ ہلکی برفباری متوقع۔ پنجاب کے میدانی علاقوں میں رات اور صبح کے اوقات میں دھند پڑنےکی توقع۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

کینال بینک ہاؤسنگ سکیم کا علاقہ 497 اے کیو آئی کے ساتھ پہلے جبکہ پنجاب کوآپریٹو سوسائٹی کا علاقہ 491 اے کیو آئی کیساتھ دوسرا آلودہ ترین علاقہ ہے۔ وینس ہاؤسنگ سوسائٹی کا علاقہ 487 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان۔ ہوا میں نمی کا تناسب 61 فیصد تک ہو چکا ہے ۔ آج زیادہ سے زیادہ درجہ حرارت 23 سینٹی گریڈ اور کم سے کم 11 ڈگریڈ رہنے کا امکان ہے۔