شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں پانچویں نمبر پر

(اسیس علی) آج جمعرات ہے مارچ کی 02 تاریخ عیسوی سال 2023، شعبان کی 09 اور قمری سال 1444 جبکہ 18 پھگن اور دیسی کیلینڈر کا 2079 واں سال ہے۔

ملک کے بیشترعلا قوں میں مطلع ابر آلود رہنے کے علاوہ شمالی بلوچستان، خیبرپختونخوا ،گلگت بلتستان، کشمیر،اسلام آباداوربالائی/وسطی پنجاب سمیت خطۂ پوٹھو ہار میں تیز ہواؤں اورگرج چمک کے ساتھ بارش اورپہاڑوں پر برفباری کا امکان۔ اس دوران بعض مقامات پر ژالہ باری بھی ہو سکتی ہے۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پانچویں نمبر پر ہے۔

گلبرگ 2 بلاک پی کا علاقہ 224 اے کیو آئی کے ساتھ پہلے نمبر پر، کینٹ کا علاقہ 211 اے کیو آئی کیساتھ دوسرا آلودہ ترین علاقہ ہے۔ شاہدرہ کا علاقہ 207 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان جزوی طور پر ابر آلود رہنے کا امکان ہے۔ ہوا میں نمی کا تناسب 52 فیصد تک ہو چکا ہے ۔ آج زیادہ سے زیادہ درجہ حرارت 25 سینٹی گریڈ اور کم سے کم 14 ڈگریڈ رہنے کا امکان ہے۔