(مائرہ ارجمند) آج جمعہ ہے ستمبر کی 02 تاریخ عیسوی سال 2022، سفر کی 06 اور قمری سال 1444 جبکہ 17 بھادوں اور دیسی کیلینڈر کا 2079 واں سال ہے۔
ملک کے بیشتر میدانی علاقوں میں موسم گرم اور مرطوب رہے گا۔ تاہم بالائی خیبرپختو نخوا، شمالی پنجاب ، گلگت بلتستان ،کشمیر اورسندھ کے ساحلی علاقوں میں چند مقامات پرتیز ہواؤں اور گرج چمک کے ساتھ ہلکی بارش ہو سکتی ہے۔
آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔
گلبرگ 2 اور گردونواح کا علاقہ 191 اے کیو آئی کے ساتھ پہلے جبکہ اپر مال کا علاقہ 181 اے کیو آئی کیساتھ دوسرا آلودہ ترین علاقہ ہے ۔ گلبرگ کی سید مراتب علی روڈ کا علاقہ 180.5 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور میں بارش کا امکان۔ ہوا میں نمی کا تناسب 69 فیصد تک ہو چکا ہے ۔ آج زیادہ سے زیادہ درجہ حرارت 37 سینٹی گریڈ اور کم سے کم 30 ڈگریڈ رہنے کا امکان ہے۔
