شہر لاہور کا موسم، بارش کا امکان، فضائی آلودگی میں لاہور دنیا بھر میں چوتھے نمبر پر

(اسیس علی) آج پیر ہے اپریل کی 03 تاریخ عیسوی سال 2023، رمضان کی 12 اور قمری سال 1444 جبکہ 21 چیت اور دیسی کیلینڈر کا 2080 واں سال ہے۔

ملک کے بیشتربالائی/وسطی علاقوں میں مطلع ابرآلود رہنے کےساتھ خیبرپختونخوا، بالائی/وسطی پنجاب، کشمیراورگلگت بلتستان میں تیزہواؤں اورگرج چمک کے ساتھ بارش اور ژالہ باری کا امکان۔ ملک کے دیگرعلاقوں میں موسم خشک رہے گا۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

ڈی ایچ اے فیز 8 آئیوی گرین کا علاقہ 189 اے کیو آئی کے ساتھ پہلے نمبر پر، وینس ہاؤسنگ سوسائٹی کا علاقہ 180 اے کیو آئی کیساتھ دوسرا آلودہ ترین علاقہ ہے۔ کینٹ کا علاقہ 178 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان جزوی طور پر ابر آلود رہنے کا امکان اور رات کے وقت بارش کا امکان ہے۔ ہوا میں نمی کا تناسب 73 فیصد تک ہو چکا ہے ۔ آج زیادہ سے زیادہ درجہ حرارت 23 سینٹی گریڈ اور کم سے کم 16 ڈگریڈ رہنے کا امکان ہے۔